Siyasət

Avropa Məhkəməsi Xədicə İsmayılovanın işi barədə hökm verəcək

9 Yanvar, 2019
1017
Avropa Məhkəməsi araşdırmaçı jurnalist Xədicə İsmayılovun işinə dair hökm çıxarmalıdır. Onun elanı cümə axşamı gününə planlaşdırılıb.

"Xədicə İsmayılova Azərbaycana qarşı" adlı iş üzrə informasiya Avropa İnsan Haqları Məhkəməsinin rəsmi saytında yerləşdirilib.

Xədicə İsmayılova iddia edir ki, hökumət onun şəxsi həyatına "çox ciddi" müdaxiləyə görə ya bilavasitə məsuliyyət daşıyır, ya da ki, "effektiv araşdırma" keçirmədiyi, müdaxilə edənləri müəyyən etmədiyi üçün öz vəzifəsini yerinə yetirməyib.

Sənəddə Xədicə İsmayılovanın təhdid məktubu aldığı, onun yataq otağında gizli kameraların quraşdırılması və intim video çəkilişinin internetə yüklənməsi qeyd olunur.

2012-ci ildə jurnalistin intim videosu internetdə yayıldıqdan sonra Moskvadan göndərilən məktubda ondan tələb olunub ki, elədiyi işdən yayınsın, yoxsa rüsvay ediləcək.

Xədicə İsmayılova bu şantaj məktubunun Azərbaycanda prezident ailəsinin iddia olunan bizeslərinə dair apardığı araşdırmalarla bağlı olduğunu bildirib.

Məhkəmədən öncə BBC News Azərbaycancaya danışan Xədicə İsmayılova deyib ki, günahkarların üzə çıxmasına ümid edir.

"Mən istəyirəm ki, Avropa Məhkəməsi təkcə mənə kompensasiya ödənməsini deyil, həm də bu işdə ədalətin bərpa olunmasını tələb etsin. Ədalət isə günahkarların üzə çıxarılıb cəzalandırılmasıdır".

O, özü də evinə müdaxilə ilə bağlı araşdırma apardığını qeyd edib.

"Mən öz araşdırmamı aparmışam. Öz materialımı təqdim etmişdim". Ancaq Xədicə İsmayılova özünün təqdim etdiyi dəlillərin hakimiyyət tərəfindən araşdırımadığını əlavə edib.

Jurnalist Xədicə İsmayılova illərdir ki, Azərbaycan hökumətinin tənqidçisi olub. O, hökumət və prezident İlham Əliyevin ailəsinə bağlı biznesləri araşdırıb.

Xədicə İsmayılova: Azərbaycanın ən tanınmış məhbus jurnalisti haqqında nə bilirik?
İsmayılova hesab edir ki, ona qarşı təqiblər Azərbaycanda jurnalistlər əleyhinə siyasi zəminli kampaniyanın tərkibidir.

Bunları rədd edən Azərbaycan hökuməti jurnalistlərin konkret ittihamlara görə həbs olunduğunu deyir.

Xədicə İsmayılova 2014-cü ildə həbs olunaraq vergidən yayınma, qanunsuz sahibkarlıq kimi ittihamlarla 7 il 6 ay müddətinə azadlıqdan məhrum edilib.

O, 2016-cı ildə şərti azadlığa buraxılıb.

Avropa Məhkəməsində bu işlə bağlı da bir iddia qaldırılıb.

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo