Sosial

"Daş yuxular"ın müəllifi baş prokurora müraciət edib

19 Sentyabr, 2018
1528
"Artıq 2 ildən çoxdur ki, mən ölkədən çıxmaq hüququndan məhrum edilmişəm. Hətta ölkə daxilində də azad hərəkət etməyə hüquqi ixtiyarım yoxdur. Şəxsiyyət vəsiqəm prokurorluqda saxlanıldığından bir sıra məişət çətinlikləri ilə üz-üzə qalmışam".

2 il əvvəl barəsində cinayət işi açılan yazıçı Əkrəm Əylisli baş prokuror Zakir Qaralova müraciətində belə yazır.

81 yaşın içində olduğunu vurğulayan yazıçı sağlıq problemlərindən bəhs edib.

"Bu yaşda öz sağlamlığı ilə öyünmək, təəssüf ki, yalnız nadir adamlara nəsib olur. Kəskin xroniki bronxitdən, ürək və qaraciyər xəstəliyindən illərdir ki, ciddi əziyyət çəkirəm. Ölkədən çıxmağıma qadağa qoyulması səhhətimin mümkün kritik məqamında hər hansı ölkəyə getməyimi bəri başdan əngəlləyir və xüsusən yay aylarında sağlıq durumumu ağır sınaqlar qarşısında qoyur", - müraciətdə yazılır.

Ə.Əylisli yazır ki, barəsində açılmış cinayət işinin "gizlin" motivlərini bir daha açıb-ağartmağı lazım bilmir.

"Hava limanının polis idarəsinin sərhəd xidməti əməkdaşının şikayəti əsasında tərtib etdiyi, hazırda Bakı Şəhər Prokurorluğunun sərəncamında olan istintaq materiallarına vaxt tapıb nəzər yetirsəniz, burada mənə qarşı irəli sürülən ittihamın nə dərəcədə əsassız, məntiqsiz və məzmunsuz olduğuna yəqin ki, özünüz də inanarsınız", - yazıçı qeyd edir.

Ə.Əylisli baş prokurordan xahiş edib ki, yaşını, sağlıq durumunu, cinayətin olmadığını nəzərə alsın, işə xitam verilməsi barədə tədbir görsün.

Yazıçının bu müraciətinə Baş Prokurorluqdan münasibət almaq mümkün olmayıb

Yazıçı Ə.Əylisli 2016-cı ilin martında İtaliyaya gedərkən Heydər Əliyev Beynəlxalq Hava Limanında saxlanmışdı.

Rəsmi orqanlar onun buraxılış məntəqəsindən keçərkən əməkdaşlarla münaqişə yaratdığından saxlandığını demişdilər. Ancaq yazıçı münaqişə yaratmasıyla bağlı iddiaları qəti rədd etmişdi.

Sərbəst buraxılan yazıçıya sonradan xuliqanlığa görə cinayət işi açılmış, ardınca o, hakimiyyət nümayəndəsinə zor tətbiq etməkdə ittiham olunmuşdu. Yazıçıya ittihamlar təsdiqlənərsə, o, 3 ilədək azadlıqdan məhrum edilə bilər.

Hələ 5 il əvvəl yazıçının "Daş yuxular" əsəri bəzi dairələrdə narazılıqla qarşılanmışdı. Xüsusilə hökumət və hakimiyyətə yaxın kütləvi informasiya vasitələrində yazıçıya qarşı kampaniya aparılmışdı, o, Azərbaycana xəyanətdə günahlandırılmışdı.

Azadlıq Radiosu 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Azad edilmiş ərazilərdə evlərini özləri inşa etmək istəyənlərin müraciətlərinə baxıla bilər

6 Mart 2024

Açıq mənbələrdən götürülüb

Azad edilmiş ərazilərdə evlərini özləri inşa etmək istəyən vətəndaşların müraciətlərinə baxıla bilər. Toplum TV xəbər verir ki, bu, Nazirlər Kabinetinin 2023-cü il üzrə fəaliyyəti haqqında hesabatında əks olunub. Qeyd edilib ki, yenidənqurma prosesi Qarabağ və Şərqi Zəngəzur iqtisadi rayonları üzrə işlənilmiş, Nazirlər Kabineti tərəfindən təsdiq olunmuş “İşğaldan azad edilmiş ərazilərin Ümumi Planı” əsasında həyata keçirilir.  https://toplum.tv/sosial/psu-ve-kanalizasiya-probleminin-helline-milyardlarla-manat-teleb-olunurp Hesabatda bərpa və yenidənqurma, eləcə də sərmayələrin cəlb edilməsi işində özəl sektor və vətəndaş cəmiyyəti ilə əməkdaşlığın əhəmiyyət kəsb etdiyi vurğulanıb. Belə ki, bunun büdcə vəsaitinə qənaət edilməsinə şərait yaradacağı bildirilib.  “Bərpa-quruculuq proseslərində iştirak etmək istəyən şəxslər tərəfindən konkret müraciətlər olacağı təqdirdə, onlara yaşayış...
Sosial

Din xadimlərinin attestasiyasına başlanılıb

4 Mart 2024

Açıq mənbələrdən götürülüb

İslam dininə aid ibadət yerlərində və ziyarətgahlarda çalışan din xadimlərinin attestasiyasına başlanılıb. Toplum TV xəbər verir ki, bu barədə martın 4-də Dini Qurumlarla İş üzrə Dövlət Komitəsi (DQİDK) məlumat yayıb. Bildirilib ki, bu məqsədlə Attestasiya Komissiyası yaradılıb. Komissiyada DQİDK və Qafqaz Müsəlmanları İdarəsinin (QMİ) nümayəndələri ilə yanaşı, ilahiyyatçı alimlər təmsil olunurlar. https://toplum.tv/sosial/pemin-emrullayev-azerbaycan-elmine-ayrilan-maliyye-azdirp Attestasiya prosesində fəaliyyət dövrünün 5 ilini tamamlamış 64 din xadiminin iştirakı nəzərdə tutulur. Attestasiyanın martın 6-da başa çatması planlaşdırılır. Qeyd edək ki, “Dini etiqad azadlığı haqqında” qanuna görə, “İslam dininə aid ibadət yerlərinə və ziyarətgahlara din xadiminin təyin olunması, attestasiyası və tutduğu vəzifədən azad edilməsi Qaydası”na əsasən, İslam...

Seçilmiş Videolar

Toplum TV loqo