11:17, 13 Mart 2019 (Çərşənbə) 282

Daha bir ştatda edamlar dayandırılır

Daha bir ştatda edamlar dayandırılır


/ DÜNYA
ABŞ-ın qərbindəki Kaliforniya ştatının qubernatoru ölüm cəzasına moratorium qoyan fərman imzalayacaq.

Qubernator Qevin Nevsom fərmanı martın 13-də imzalayacaq və 737 məhkumun ölüm cəzasının icrası ertələnəcək. Bu, ABŞ-ın digər ştatları içində ən böyük rəqəmdir.

"Ölüm cəzası bizim təməl dəyərlərimizə uyğun deyil”, – Nevsom fərmandan öncə yayılmış bəyanatında deyib.

Fərman Kaliforniyada edamların iynə ilə icrasını dayandıracaq, San Quentin həbsxanasındakı edam kamerası bağlanacaq.

Newsom-un administrasiyasındakı mənbənin bildirməsinə görə, ölüm cəzası baha başa gəlir, ştat üçün yükdür, azlıqlara və əlil cinayətkarlara münasibətdə eyni qaydada tətbiq olunmur.

Bu fərmanla hansısa məhbusun azadlığa çıxacağı gözlənilmir.