Siyasət

"Bütün danışıqları dinlənilir" - Taleh Bağırzadənin xanımı

15 Mart, 2019
1468
"Müsəlman Birliyi" Hərəkatının sədri Taleh Bağırzadə ailə üzvləri ilə telefonla danışarkən həbsxana əməkdaşlarının onun danışıqlarını dinlədiyini, ona qəzetlərin verilmədiyini deyir.

Bu barədə Azadlıq Radiosuna ilahiyyatçının həyat yoldaşı Leyla İsmayılzadə danışıb.
 

Deyir ki, təxminən bir həftə öncə Ədliyyə naziri yanında Penitensiar sistemə İctimai Nəzarət Komitəsinin üzvləri Əliməmməd Nuriyev və Səadət Bənənyarlı Qobustan həbsxanasında T.Bağırzadə görüşüb: «Evlə telefonla danışarkən dedi ki, onlarla bir xeyli danışıb. Hətta internetdə yayılan səs yazısı, Taleh Bağırovun ona cavabına qədər bir çox şeyləri soruşublar, o da cavab verib. Əfvdən söhbət düşəndə Taleh Bağırzadə onlara deyib ki, nə özü əfv yazıb, nə də kimsənin onun üçün müraciət etməsini istəyir».

L.İsmayılzadə deyir ki, İctimai Komitənin üzvləri ilə görüşdən sonra da həyat yoldaşına təzyiqlər davam edir. Xanımının sözlərinə görə, T.Bağırzadə telefonla danışanda deyib ki, əvvəl heç olmasa, hökumətyönlü qəzetləri ona verirdilər, artıq onu da vermirlər: «Adamı tam informasiya blokadasında saxlamağa çalışırlar. Deyir, evlə danışanda da bir nəfər əməkdaş düz yanında dayanıb qulaq asır, biri başqa telefonla dinləyir, həm də səsini yazırlar. Mən özüm də bunu aşkar hiss eləmişəm. Bütün danışıqları dinlənilir, yazılır».

İctimai Komitənin koordinatoru S.Bənənyarlı Azadlıq Radiosuna T.Bağırzadə görüşdüklərini təsdiqləyib. Onun sözlərinə görə, ilahiyyatçı həmin vaxt saxlanma şəraitindən şikayətçi olmayıb: «Bir qədər əvvəlki hadisələr haqda danışıqlarımız oldu, müəyyən məlumatlar verdi. Biz martın 7-də görüşmüşük, konkret həmin vaxta aid şikayəti olmadı. Qəzetlərin verilməməsinə gəlincə, həyat yoldaşı bizi məlumatlandırsın, biz mütləq araşdırarıq».

Penitensiar Xidmətin ictimaiyyətlə əlaqələr şöbəsinin rəhbəri Mehman Sadıqov Azadlıq Radiosuna bildirib ki, məhkumların telefon danışıqlarının dinlənilməsi qanunidir: «Burada qanunazidd heç nə yoxdur. Əksinə, təhlükəsizlik və s. məsələlər baxımından, buna bizim ixtiyarımız var».

T.Bağırova abunə olduğu qəzetlərin məqsədli şəkildə çatdırılmamasına gəlincə, M.Sadıqov deyir ki, belə bir hal yoxdur. Şöbə rəisinin sözlərinə görə, bəzən poçt xidmətində problemlər yaranır, yaxud başqa səbəblərdən gecikmələr ola bilər: «Amma bunun məqsədli şəkildə «qəzetlərin verilməməsi» kimi qiymətləndirilməsi doğru deyil. Necə olur, bu vaxta qədər verirdik, indi yox? Doğru deyil».

2015-ci il noyabrın 26-da Baş Mütəşəkkil Cinayətkarlıqla Mübarizə İdarəsinin Bakının Nardaran qəsəbəsində keçirdiyi əməliyyatda ikisi polis olmaqla, altı nəfər həlak olub. Rəsmi ittihama görə, radikal silahlı dəstə polis əməkdaşlarına silahlı müqavimət göstərib.

Həmin vaxt Nardaranda və bundan bir qədər əvvəl Sabunçu Rayon Polis İdarəsinin qarşısında baş verən hadisələrə görə 70-dən çox (hüquq müdafiəçilərinin siyahısında bu rəqəm 80-dən çox göstərilir) adam həbs olunub. Onların bir qisminə silah saxlama ittihamı ilə ilyarımdan 6 il 6 ayadək həbs cəzası kəsilib. 40 nəfərdən çox adama isə daha ağır maddələrlə (dövlət çevrilişinə cəhd, terrorçuluq, dini nifaq salma və s.) ittihamlar verilib.

«Müsəlman Birliyi» Hərəkatının sədri T.Bağırzadə 20 il həbs cəzasına məhkum edilib.

Nardaran olayları ilə bağlı həbs edilənlərin əksəriyyəti məhkəmələrində tutularkən və ilkin dindirilmədə ağır işgəncələrə məruz qaldıqlarını bildiriblər. Onlar verilən ittihamları qəbul etməyiblər.

Ancaq Daxili İşlər Nazirliyi Baş Mütəşəkkil Cinayətkarlıqla Mübarizə İdarəsinin və digər hüquq-mühafizə orqanlarının əməkdaşları məhkəmə prosesində işgəncə şikayətlərini təkzib ediblər.

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo