Siyasət

Blogeri dəstəkləyən cəbhəçilərin həbs olunduğu deyilir

12 Yanvar, 2019
1097
Azərbaycan Xalq Cəbhəsi Partiyası (AXCP) Salyan şöbəsinin 5 üzvünün dünən, yanvarın 11-də saxlandığı bildirilir.

AXCP-dən Azadlıq Radiosuna verilən məlumata görə, buna səbəb rayon fəallarının "Mehmana azadlıq” şüarı ilə aksiya keçirməsi səbəb olub.

AXCP-dən verilən məlumata görə, Salyan rayon Məhkəməsi-nin qərarı ilə saxlananlardan Əlizamin Salayevə 25, Tariyel Məlikzadə-yə isə 20 sutka inzibati həbs cəzası verilib.

AXCP-dən vurğulayıblar ki, qalan şəxslərin də hakim önünə çıxarılacağı gözlənir. Onların kütləvi aksiyaların təşkili qaydasını pozmaqda günahlandırıldığı qeyd edilir.

AXCP-dən onu da deyiblər ki, fəallar saxlanarkən fiziki zorakılığa məruz qalıblar. Partiyanın açıqlamasına görə, şöbə fəalı Əlizamin Salayevin oğlu polis şöbəsində 10 saat saxlandıqdan sonra isə sərbəst buraxılıb.

Bütün bu məlumatlara, hələlik, nə Salyan Rayon Polis Şöbəsi, nə məhkəmə nə də başqa rəsmi qurumlardan münasibət almaq mümkün olub.

Bu günlər bloger Mehman Hüseynovun müdafiəsi ilə bağlı Bakıda da bir neçə razılaşdırılmamış piketlər keçirilib. Həmin aksiyalarda saxlananların bəziləri hakim önünə çıxarılıb.

Kütləvi aksiyaların keçirilməsi qaydasını pozmaqda günahlandırılan bu şəxslərdən 5-i 20-25 gün arası inzibati qaydada həbs edilib, bəzilərinə də pul cəriməsi kəsilib.

Bloqqer Mehman Hüseynov 2017-ci ildə polisə böhtan atma iddiası ilə 2 il həbs edilib. O, həbsdən əvvəl polisdə saxlanarkən işgəncəyə məruz qaldığını açıqlamışdı.

Blogerin həbs müddətinin başa çatmasına bir neçə ay qalmış yeni ittihamla üzləşib. Rəsmi məlumata görə, Mehman Hüseynov ötən ilin sonu, dekabrın 26-da cəza çəkdiyi müəssisədə Penitensiar Xidmətin əməkdaşına zor tətbiq etməkdə günahlandırılır.

Yeni ittiham təsdiqlənərsə, ona əlavə olaraq 3 ildən 7 ilə kimi həbs verilə bilər. Bloger ittihamı qurama sayır.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo